皮膚不停甩皮、出現紅斑，又痕又痛，甚至連關節都開始腫痛？如果你正受銀屑病（俗稱牛皮癬）困擾，相信一定明白呢種疾病對日常生活帶來幾大影響。好多人以為牛皮癬只係普通皮膚病，但其實現代醫學已經證實，銀屑病並唔單止影響皮膚，而係一種由免疫系統失衡引起嘅慢性炎症疾病。除咗會令皮膚出現紅斑同鱗屑之外，仲有機會影響關節、心血管健康甚至新陳代謝功能。近年隨住生物製劑同標靶治療發展，銀屑病治療已經進入全新階段，唔少患者都能夠更有效控制病情，改善生活質素。
銀屑病其實唔只係皮膚問題
根據現行診療指引，銀屑病屬於一種由遺傳因素同環境因素共同誘發嘅慢性免疫介導疾病。簡單嚟講，患者體內嘅免疫系統出現異常活化，尤其係IL-23同Th17相關炎症路徑過度活躍，令大量發炎因子持續釋放。呢啲炎症訊號會刺激皮膚細胞異常快速增生，原本需要大約一個月完成更新嘅皮膚細胞，可能幾日就完成增殖，最終形成大家熟悉嘅紅斑、銀白色鱗屑同厚皮。所以，銀屑病真正問題並唔係喺皮膚表面，而係來自免疫系統失衡。
牛皮癬會引發其他健康問題嗎？
答案係有可能。
由於銀屑病屬於全身性炎症疾病，所以除咗皮膚病變之外，患者出現其他慢性疾病嘅風險亦會增加。
- 銀屑病關節炎（Psoriatic Arthritis）
- 高血壓
- 糖尿病
- 高血脂
- 代謝綜合症
- 心血管疾病
研究顯示，大約三至四成銀屑病患者可能出現銀屑病關節炎。如果長期忽視病情，甚至有機會導致關節受損、活動能力下降。
因此，現時醫學界已經將銀屑病視為需要長期管理嘅慢性疾病，而唔係單純處理皮膚症狀咁簡單。
生物製劑點解受到咁多關注？
以前治療中重度銀屑病，主要依靠口服免疫調節藥物、光療或者傳統系統性治療。雖然部分患者都有改善，但長期使用某些藥物時，可能需要定期監察肝腎功能，亦有機會出現其他副作用。近十年發展迅速嘅生物製劑（Biologics），則透過精準阻斷引發銀屑病嘅關鍵炎症因子，從源頭減少炎症反應。由於治療更具針對性，所以已成為不少國際治療指引推薦嘅重要方案。
IL-17 抑制劑
代表藥物包括：
- 司庫奇尤單抗（Secukinumab）
- 依奇珠單抗（Ixekizumab）
呢類藥物起效速度相對較快，對改善皮膚病灶以及部分關節症狀都有良好效果，因此屬於目前常見治療選擇之一。
IL-23 抑制劑
代表藥物包括：
- 古塞奇尤單抗（Guselkumab）
- 替瑞奇珠單抗（Tildrakizumab）
- 烏司奴單抗（Ustekinumab）
部分患者使用後可以透過較長給藥間隔維持療效，減少覆診及注射次數。
國產創新生物製劑
近年中國自主研發嘅生物製劑陸續獲批上市，令患者有更多治療選擇。不過每位患者病情、病程、共病情況及經濟預算都唔同，因此最適合嘅治療方案仍需由皮膚科醫生評估後決定。
除咗生物製劑，仲有其他治療方法嗎？
答案係有。並非所有患者都適合使用生物製劑，例如部分特殊情況患者，醫生可能會考慮其他治療方案。
現時常見選擇包括：
- JAK 抑制劑
- PDE4 抑制劑（例如 Apremilast）
- 本維莫德等新型外用藥物
- 308 準分子光治療
- 外用類固醇及維生素D衍生物治療
具體選擇需要根據病情嚴重程度、病灶範圍以及個人健康狀況綜合考慮。
選擇生物製劑前要做哪些檢查？
生物製劑種類眾多，作用機制及適用人群亦有所不同，因此唔建議自行選藥或參考網上個案跟風治療。
開始治療前，醫生一般會安排以下評估：
- 結核病篩查
- 乙型及丙型肝炎檢查
- 血常規檢查
- 肝腎功能評估
- 感染風險評估
治療期間亦需要定期覆診，監察病情變化及身體狀況，確保療效與安全性。
日常生活如何配合治療？
除咗按醫囑接受治療之外，患者平時亦可以從生活習慣入手，幫助穩定病情：
- 保持規律作息
- 避免吸煙及過量飲酒
- 控制體重
- 減少精神壓力
- 做好皮膚保濕護理
- 避免過度搔抓患處
雖然銀屑病目前未有徹底根治方法，但透過適當治療及長期管理，絕大部分患者都可以有效控制病情。
作者簡介
王京醫生
皮膚科主任醫師、北京大學醫學博士、碩士研究生導師，長期從事免疫性皮膚病、皮膚美容及毛髮疾病診療工作。
曾任多家大型三甲醫院皮膚科主任及教研職務，並曾赴美國、台灣及韓國進修皮膚免疫疾病及醫學美容技術。
現擔任多個皮膚科及醫學美容專業學會重要職務，在國際及國內專業期刊發表學術論文逾80篇。
本文僅供健康資訊及醫學科普參考，不作診斷或治療依據。如有任何健康問題，請向醫生或合資格醫護人員查詢。
深圳和睦家預約就診表格
對於需要長期接受銀屑病治療嘅患者而言，除咗關心藥物療效之外，亦會留意能否持續取得醫生建議使用嘅生物製劑或其他標靶治療藥物。
近年愈來愈多香港患者選擇到深圳求診或跟進病情，部分醫療機構亦有提供生物製劑、小分子標靶藥物以及其他銀屑病治療方案。以深圳和睦家醫院為例，其皮膚科團隊可根據患者病情、病程、是否合併銀屑病關節炎，以及過往治療反應等因素，協助評估合適的治療選擇。
不過，不同生物製劑及創新藥物的供應情況，可能會因藥廠供貨、進口安排及庫存狀況而有所調整。如有特定藥物需求，建議預約前先向醫院查詢，並準備現時使用藥物資料、病歷紀錄或過往檢查報告，方便醫生作出更全面評估及治療規劃。
深圳和睦家醫院地址及交通
深圳和睦家醫院
地址：廣東省深圳市福田區福強路 4012 號
深圳和睦家醫院於深圳福田區，所以經福田口岸去深圳和睦家醫院，最近。
由福田口岸出發
- 醫院有專車於口岸接送（詳情按此：深圳新風和睦家醫院推出口岸免費專車服務，方便港人就診）
- 搭地鐵 4 號線（牛湖方向），搭 1 個站到福民站，轉 7 號線（西麗湖方向），坐 3 個站到沙尾站， C 出口再步行 3 分鐘可到達深圳和睦家醫院。全程約 18 分鐘。
由西九龍出發
- 坐高鐵到達福田站，然後轉乘地鐵 11 號線（碧頭方向），搭 1 個站到到車公廟站， 轉 7 號線（太安方向），坐 2 個站到沙尾站，C 出口再步行 3 分鐘可到達深圳和睦家醫院。全程約 25 分鐘。
相關連結
深圳和睦家醫院身體檢查優惠，透過本文連結可減 ￥450 折扣
深圳 3 間醫療機構接受長者醫療券：深圳新風和睦家醫院、愛康健口腔醫院和紫荊口腔門診
深圳新風和睦家醫院 2024 年 8 月 14 日開始接受使用「香港長者醫療券」付款
膀胱癌創新手術：深圳和睦家關志忱醫生成功實施逆行切除術，更精準、更安全
前列腺熱蒸汽消融手術( Rezūm)，前列腺增生治療新選擇 （深圳新風和睦家醫院提供相關手術）
香港外科專科醫生張宗揚於深圳新風和睦家醫院成功為香港病人切除巨大脂肪瘤
港人北上求醫，平民價買天價標靶藥續命，香港價 $36,000，深圳只需 $4,900 多！
眼睛裡也能打針嗎？什麼是玻璃體注藥？ 帶狀疱疹再度成為熱搜話題，究竟有多痛？可以預防嗎？
香港長者醫療券適用！深圳體檢好去處，深圳和睦家身體檢查超值組合！