為咗進一步方便香港市民跨境就醫，醫健通流動應用程式嘅「跨境健康紀錄」及「個人資料夾」功能正式擴展至深圳兩間牙科醫療機構，包括深圳愛康健口腔醫院及深圳紫荊口腔門診部／深圳朱勝吉口腔門診部。呢個新措施自 2024 年 12 月 19 日 開始實施，進一步提升大灣區內地區醫療協作，為香港市民提供更安全、便利、連貫嘅跨境醫療服務。
醫健通「跨境健康紀錄」功能係咩？
「跨境健康紀錄」功能係醫健通嘅一個重點功能，主要係幫助市民喺跨境就醫時，方便醫護人員查閱過往紀錄，提升診斷效率同準確性。
功能介紹：
- 跨境健康紀錄：
- 市民只需要喺就診前一日，預先申請過去 3 年存放喺醫健通嘅電子健康紀錄。
- 醫護人員可以即時查閱，幫助診斷同治療，避免重複檢查或者遺漏重要病史。
- 個人資料夾：
- 市民喺境外醫療機構（例如內地醫院或牙科診所）就診後，可以將取得嘅醫療紀錄存放喺醫健通個人健康戶口中。
- 呢啲紀錄可以畀香港醫護人員查閱，方便跟進診療，實現跨境醫療資料互通。
新措施覆蓋更多醫療機構
醫健通嘅「跨境健康紀錄」功能喺2023 年 7 月率先喺香港大學深圳醫院試行，並喺9 月起逐步擴展至以下醫療機構：
- 中山大學附屬第一醫院
- 中山陳星海中西醫結合醫院
- 中山大學附屬第一醫院南沙院區
- 東莞東華醫院
- 深圳新風和睦家醫院
而今次再加入深圳兩間牙科醫療機構後，功能已全面覆蓋「長者醫療券大灣區試點計劃」下所有醫療機構。
預約方法
深圳和睦家醫院可以 按此打開深圳和睦家預約表格
而愛康健和深圳紫荊齒科，則提供 Whatsapp 供港人查詢和預約。
愛康健查詢或預約 Whatsapp：https://api.whatsapp.com/send/?phone=8618126373309
深圳紫荊齒科查詢或預約 Whatsapp： https://chat.whatsapp.com/KPbMZ9FhWau2fhMOtoyB1Q