隻智慧齒有時痛有時唔痛，所以終於滴起心肝要去剝智慧齒。香港剝一隻智慧齒，之前都問過價錢一般牙科幾千蚊，亦問過荃灣港安醫院、播道醫院，佢地剝智慧齒計入手術，大約港幣 $2,500 至 $3,500 。

深圳剝智慧齒報價

知道香港價錢之後，當然都同深圳做比較一下，問過以下幾間，愛康健就無實價，因為客服堅持要去檢查，先報到價，但暑假有優惠減 $300，客服話折後 $500 起。如果第一次去愛康健檢查，收費$10 ，客服仲話送我一張牙片，可以檢查完再決定。

麥芽口腔就分智慧齒上顎定下顎，價錢不一樣，下顎價錢就是 $718，鵬程醫院一樣分上顎定下顎，下顎 $800，但客服有講都係要睇情況，可以先去免費檢查，照完 CT 後如果係複雜，價錢未必喺 $800。

開關之後見好多人都返深圳整牙，好多都好正面，所以為咗慳錢，決定都番深圳試一試。

流程

流程，上 https://bookcndoctor.com/all-dental/ 深圳醫生預約網站，可以一次過睇晒深圳牙科既whatsapp 聯絡，搵番每間牙科 Whatsapp ，入去問價同預約。

深圳鵬程口腔醫院 Whatsapp : https://chat.whatsapp.com/CsIwZcfdJABLgRKK7C9KjE

順便俾埋最多人搵既愛康健，同麥芽口腔俾大家查價錢
愛康健 Whatsapp : https://api.whatsapp.com/send/

麥芽口腔 Whatsapp : https://api.whatsapp.com/message/6GCZESXGLTQ3G1

最後，其實間間報價都差不多，我預期 $1,500 內可以攪掂，愛康健因為要去做檢查先報價，雖然開價最平係佢，但唔想又要再約多日，所以唔考慮。鵬程因為係醫院，另外咁岩黎緊星期六可以約到，所以就去鵬程。

想講講深圳既牙科比我想像中多人，星期六日都未必可以約到指定時間，如果可以建議大家平日去。最後我係約到星期六 5 點

16:40 剝牙前拍CT，拍完醫生會同您講牙齒嘅情況，要點樣剝
17:00 開始剝牙
18:00 剝完拍CT，之後醫生會同你講剝完牙齒嘅情況，注意事項同開咗三日嘅抗生素、消炎藥、4粒止痛藥（藥錢一共人民幣 10.86），要留係醫院冰敷，大概40分鐘。
18:40 醫生檢查完，傷口無再出血就可以走啦，順便食埋第一次嘅抗生素同消炎藥，怕過咗麻醉會痛嘅朋友可以食一粒止痛藥先。

全部用咗兩個鐘。

CT 檢查

我隻智慧齒打橫生（大家可以睇相），拍完片，醫生話係難剝嘅智慧齒，所以係要額外收費，價錢 $1,800，嘩，比我想像中貴，不過醫生解釋得好好，我估計去愛康健牙科報價，一樣會有額外費用，如果千八都平過香港。

醫生最後有問我做唔做？當然做埋佢，唔洗下次再黎。

我嗰陣都覺得應該幾分鐘搞掂啦！確實幾多分鐘就唔記得，感覺一定有超過九個字。打麻醉嘅時候，上網睇啲人話打麻醉係最痛，感覺痛咗一下，就好似針穿過皮膚嗰種痛！之後以為唔會有感覺，但鑽嗰陣，酸軟嘅感覺都好難頂，而且仲刮到條脷，第二日傷口唔痛，反而條脷痛到傻（updated：痛咗幾日，如果大家可以就買定痱滋膏或者西瓜霜）！

當日幫我喺鵬程醫院剝智慧齒嘅醫生係宋醫生。呢個位講多少少先，喺深圳睇牙，同香港唔一樣，因為深圳係集團機構，所以佢地會安排醫生俾你。

其實剝智慧齒嘅過程中，雖然有麻醉，但你仍然會感覺到醫生係用力拉扯你嘅牙齒，嗰種好似喺口腔裡面做工程嘅感覺真係好恐怖，而且張口嘴嘅時間好長唔係好舒服。剝完牙之後，麻醉嘅感覺持續咗約 6 個鐘，但上網見到有啲人話通常係 2 至 4 個鐘頭。醫生開咗三日抗生素同消炎藥，仲有四粒止痛藥。剝完一個鐘後，我怕過麻醉會痛，都即刻食咗一粒！之後傷口都唔係覺得好痛，重點係塊面竟然無腫，大家記得要狂敷冰包！